Қазақстандық дала күні

«Jańa Dala/Green Day» 2024» Қазақстандық дала күні» мамандандырылған көрме-демонстрациясы 2024 жылғы 18-19 шілде аралығында Ақмола облысының ең озық ауыл шаруашылығы кәсіпорындарының бірі - Астана қаласынан 90 км қашықтықтағы «Еңбек» ЖШС алаңдарында өтті.

«Jańa Dala/Green Day» мамандандырылған халықаралық көрмесі Қазақстанда 2013 жылдан бастап «Дала күні» форматында өткізіліп келе жатқан дәстүрлі іс-шара және республикадағы заманауи ауыл шаруашылығы технологияларының, өнімділігі жоғары техниканың, селекциялық жетістіктердің, сондай-ақ ветеринария, органикалық егіншілік және өсімдік шаруашылығы саласындағы инновациялық әзірлемелердің ірі демонстрациялық алаңы болып табылады.

Ауыл шаруашылығы техникасы мен жабдықтарының жыл сайынғы халықаралық көрмесін ұйымдастырушы «Expo TIME» қазақстандық компаниясы болды, ол іс-шараның қонақтары мен қатысушыларына ауқымды бағдарлама дайындады.

Дала күні аясында Қазақстанның барлық өңірлерінен мал тұқымдарының көрмелері мен аукциондары, стейктер фестивалі, мал бағатын иттермен мастер-класс өтті.

Ұйымдастырушылардың айтуынша, биыл іс-шараға Австрия, Беларусь, Германия, Испания, Канада, Қытай, Қырғызстан, Нидерланды, Польша, Ресей, Сербия, АҚШ, Түркия, Финляндия, Франция, Украина, Чехия және т. б. елдерден 150-ден астам компания қатысты.

Қазақстанда коммерциялық көлікті, автомобильдерді және ауыл шаруашылығы техникасын өндірумен, сатумен және сервистік қызмет көрсетумен айналысатын алғашқы компаниялардың бірі болып табылатын «Вираж» компаниялар тобы көрмеде өз техникасын ұсынды:

· Ұзартылған бортты және үш есікті металл кабинасы бар «Газель NEXT»;

· Газель NEXT рефрижераторы;

· Екі есікті металл кабинасы бар борттық «Соболь»;

· Екі қатарлы орындықтары бар «Соболь Бизнес» толық металл фургоны;

· Газель NN негізіндегі азық-түлік жүк көлігі;

· «Валдай 8» негізіндегі автоцистерна.

Сонымен қатар, Беларусь, YTO тракторлары, аспалы және тіркеме техникалары ұсынылды.